CEBU CITY- Nakigtagbo si Cebu City Councilor Joel Garganera, sa kagamhanan sa Ilo-Ilo City, partikular na ni Mayor Raisa Trenas, aron hisgutan ang pagmaniho sa mga kasapaan, pagprotehir sa kalikupan ug mga lakang nga posibleng makatabang sa gisagubang sa Dakbayan sa Sugbo.
Matud niini nga subay sa iyang pagbisita sa Dabayan sa Ilo-Ilo, iyang nakita ang kaepektibo sa pagdumala sa kagamhanan, gumikan kay hapsay ug hamugaway ang lugar niinilakip na ang pagmintinar sa kalimpyo sa palibut.
Sigon ni Garganera, nga susama sa gibuhat sa kagamhanan sa Ilo-Ilo, mamahimo nga mabuhat sa Dakbayan sa Sugbo ang kalambuan nga nakita niini, hilabi na kung ubanan kini sa saktong mga pagdumala ug disiplina sa matag sugboanon.
Gihimug-tan niini nga mamahimo na nga dili mo larga sa gawas sa nasud ang mga pampublikong opisyal sa Sugbo, aron pagkat-on sa pagdumala sa basura ug pagpanalipod sa kalikupan gumikan kay ang lugar sa Ilo-Ilo ang usa sa mga barometro sa kalimpyo ug kahapsay.
Hinungdan nga nanghinaot ang konsehal nga ma-adapt sa Dakbayan sa Sugbo ang mga lakang nga gipatuman ubang lugar, aron usab sa mga mo sunod pa nga mga henerasyon.
Kahinumdoman nga nakasinati og grabeng mga pagbaha ang Dakbayan sa Sugbo, gumikan sa mga serye nga pag-ulan mugna sa habagat ug low preasure areas.
