CEBU CITY – Gipaubos na sa state of preparedness subay sa hulga sa 2019 novel coronavirus.
Kini ang unang giduso nga mosyon ni Cebu City Councilor Dave Tumulak diin gi-aprobahan usab sa konseho.
Una niini, mihatag sa iyahang privilege speech si Cebu City Vice Mayor Michael Rama diin nagkanayon kini nga angayang magbinantayon ang tanan batok sa nahisgutang virus ug dili tugutan nga makasulod kini syudad.
Dugang pa, giingong angayan usab nga dugangan pa sa gobyerno ang information campaign kalabot na sa 2019 N-CoV arun usab nga masayod ang katawhan ug dili kini malisang.
Subay niini, makigpulong si Cebu City Mayor Edgardo Labella sa kadagkuan sa Cebu City Health, Department of Health 7, Bureau of Quarantine ug uban pang ahensya sa gobyerno arun nga hisgotan ang dugang nga lakang arun nga malikay ang syudad sa coronavirus.
