Gipasidunggan sa Cebu City Government ang mga atleta sa Cebu City Niños, atul sa testimonial dinner nga gipahigayun sa Nustar Resort and Casino ballroom. niadtong adlawng Martes, Abril 8, 2025.
Kini mahitungod sa nagmalampusong pagdepensa sa mga batang atleta nga nagpabilin nga overall champion sa nakalabayng gipahigayun nga 2025 Central Visayas Regional Athletic Association (CVIRAA) meet sa nakalabayng buwan sa Marso.
Nanguna ang Cebu City sa elementary ug secondary divisions, nga makakolekta og 105 ka gold, 89 ka silver, ug 73 ka bronze medals.
Atol sa ilang selibrasyon, ang mga medalist gipasidunggan pinaagi sa victory parade, samtang ang mga local school board, city government, ug pipila ka partner organizations gipasidunggan usab sa awarding ceremony.
Si Cebu City Mayor Raymond Garcia nipadayag sa iyang pagpasalamat sa mga nahimo sa mga atleta ug gidasig sila sa pagpadayon sa ilang kahago samtang nangandam sila sa umaabot nga Palarong Pambansa.
Gipahibalo usab niya nga ang cash incentives alang sa mga medalist ug para-athletes ipang-apod-apod na sa Mayo 21 2025. Kahinumdoman nga ang pagpagawas sa budget sa gobyerno gi-pugngan tungod sa mga pagdili sa Commission on Elections, sa wala pa ang umaabot nga eleksyon.
