CEBU CITY-Andam na ang sakop sa kapulisan sa CCPO sa paghatag ug siguridad sa ipahigayon sa pre-qualifying meet sa palarong pambansa nga gibuksan gahapong adlawa Hunyo 14 hangtod sa Sabado Hunyo 17.
Gibutyag ni Plt. Col Janet Rafter,ang Deputy City Director for Operation sa CCPO nga mo abot sa 100 ka pulis ang ipakatap sa venue ug sa lugar kung asa mo puyo ang mga atleta, giklaro niini nga ang mga pulis dili apil sa mga pulis nga gipakatap sa kadalanan alang sa pagbatok sa biyan unsang matang sa krimen ug gitagana lang kini alang sa maong kompitisyon.
Basi sa deployment nga ipahigayon 10 ka mga tunghaan ang gipabantayan ug mao kini ang Zapatera, Elementary ug High School,Banilad Elem,USPF, ECOTECH, HOTEL FORTUNA, Talamban Elem ug High School, Don Bosco, Technology Center, USC Talamban Campus.
Ang maong venue sagad gamiton samaong duwa ug puy-an sa mga atleta gikan sa rehiyon 6,7, 8,9 ug ingun man ang gidaghanon sa police mag depende sa gidak-on sa venue
Samtang gipasabot ni Rafter nga ang mga police igo ra nga mo secure sa venue ug ang Deped ang mo buhat sa mga lagda nga maoy sundon sa mga atleta.
