-- ADVERTISEMENT --
CEBU – Gitataw ni Raquel Arce, ang pangulo sa Cebu City Transportation Office (CCTO), nga walay dalan nga pagasirad-an sa dakbayan sa Sugbo subay sa paghandum sa Kalag-Kalag 2022.
Matud pa, dili sirad-an ang mga dalan, inay magbutang lang ug mga barrier arun nga adunay pag-‘identify’ kung asa ang agi-anan sa mga pedestrian ug mga sakyanan.
Gitambagan usab niini ang mga motorista, ingon man adunay mga pribado nga sakyanan nga dili magpataka ug parking gumikan kay adunay gitagana nga parking area, apan iyahang gitataw nga aduna kini bayad.
Gipahibalo ni Arce nga aduna sila’y 200 ka mga traffic enforcers ang ipakatap sa kadalanan kung diin 100 niini sa buntag ug 100 usab sa hapon.
