Gipadayag ni Cebu City Vice Tomas Osmeña nga lig-on ang iyahang pagsupak sa Monterrazas Development, bisan paman sa desisyon sa konseho sa dakbayan nga dili ipahunong ang maong proyekto sa Monterrazas.
Subay sa gipahigayon nga pressconference gahapong adlawa, Abril 10, 2026, gipamahayag niini nga wala siya mi pabor sa mga miuyon niini, gumikan kay ang gikinahanglan prayoridad niini mao ang kaluwasan sa katawhan ug dili mabutang sa risgo.
Busa, dili angay nga ang gobyerno ug mga negosyante ang dapat mahatagan og prayoridad kay mas mahinungdanon ang seguridad sa katawhan.
Gidugang ni Osmeña nga gikinahanglang dungagan ang detention ponds para mapugngan ang baha nga mudagayday sa mga kabarangayan nga anaa sa ubos niini, kon gani dili kini mapatuman mas maayu nga ihunong nalang ang maong proyekto sa pagpalambo sa maong pasilidad.
Kahinomdoman nga niadtong tuig 2008 nga Mayor pa usab si Osmeña sa syudad sa Sugbo, supak na siya daan sa maong proyekto nga maoy hinungdan sa pagpang-opaw sa bungtod nga mao ang ugat sa nagk- grabing baha sa Sugbo hilabi na kung adunay uwan o bagyo.
