CEBU CITY — Gi-awhag ang tanang mga tigbalita sa Sugbo nga biyaan ang naandan ug mosunod na lang sa bag-ong panahon.
Kini ang sentro sa mensahe ni Fr. Roberto Ebisa, SVD atol sa pagbukas sa 27th Cebu Press Freedom Week nga gipahigayon sa Capitol Social Hall.
Nagkanayon ang wali ni Fr. Ebisa nga adunay mga nagpaabot nga hagit alang sa Cebu media community hinungdan nga panahon na aron mag-reinvent sa kaugalingon. Kini aron, matud pa, magpabiling relevant ug kasaligan gihapon sa katawhan ilabi na ning modernong teknolohiya.
“By letting go I mean, to welcome new ways of doing things, new possibilities, re-invent ourselves,” sigon sa chairman sa Kapisanan ng mga Brodkaster ng Pilipinas (KBP) – Cebu Chapter.
Nakita usab niini nga tungod sa kapaspas sa tekonolohiya ilabi na ang makagagahum nga social media, halos gipadaplin na lang ang importansya sa kamatuoran kon “veracity” basta lang nga makauna lang sa paghatud og balita.
Dugang pa ni Evisa nga magpabilin ang paglaum sa media industry ning modernong panahon hayan ipatigbabaw sa gihapon ang values sa journalism.
Gihimug-atan ni Fr. Ebisa nga angayang mosubay sa modernong panahon ang tanang mga tigbalita ug mo-transform nga sama lang sa usa ka butterfly.
“We in the press are far more greater than the challenges haunting us. It is okay to be afraid but we don’t let fear cripple us. We are not like the monkeys of Africa as have the courage to let go. We will adapt, we will transform, we re-invent ourselves — and there will be rebirth…we are butterflies,” matud ni Ebisa.
Ang tema sa Cebu Press Freedom Week karong tuiga mao ang “Journalism Transformations.”
