CEBU CITY-Andam ang kapulisan sa Rehiyon 7 sa higayon nga mudagsa ang mga turista subay na sa pagpasirado sa Boracay sud sa 6 ka buwan.
Matud ni Police Supt. Reyman Tolentin, ang tigpamaba sa PRO7 nga sama sa gihimo sa mga kasundaluhan nga pagbansay-bansay aron mapalambo pa ang ilang kapasidad sa pagrespondi sa mga hulga sa kalinaw ug seguridad sa ilang area of responsibility, buhaton usab kini sa PNP.
Dugang ni Tolentin nga nahimo ng best practice sa Sugbo ang pag capacitate sa mga turist police ingon man ang pag augment sa Theft and robbery section personnel.
Dili matud pa kalikayan nga sa pagdaghan sa mga turista kon bisita daghan usab nga mga petty crimes nga mahitabo sama sa robbery, snatching ug uban pa maong hatagan gayud kini ug pagtagad sa PNP.
