PROVINCE OF CEBU-Malaumon si Cebu Provincial Governor Gwendolyn Garcia nga ang Pier 88 kay makahatag ug mas hayag nga kalamboan sa ekonomiya ug turismo sa Camotes Island ug sa lungsod sa Liloan.
Gituohan sa gobernadora ang maong “smart port” kay magsilbi nga bag-ong entry point sa mga travelers paingon sa isla sa Camotes, usa sa nagka-sikat nga tourist hub sa Sugbo.
Matud pa, ang paglusad sa maong pantalan kay makatapos sa pag-antos sa mga lokal nga turista nga kaniadto adunay usa lang ka kapili-an sa pagbisita sa Camotes, ug kini mao lang ang Danao City paingon sa San Francisco.
Samtang, gipasalamatan usab ni Governor Garcia si Vice President Sara Duterte-Carpio kung diin gikan sa groundbreaking ceremony sa Pier 88 niadtong tuig 2019 hangtud sa grand launching niini kagahapong adlawa kay anaa ang presensya sa opisyal.
Gawas sa bise presidente kay gihatagan usab ug pagtagad sa gobernadora ang pagtambong ni President Ferdinand Marcos, Jr., uban nilang DOT Secretary Cristina-Frasco ug bana niini nga si Deputy Speaker Duke Frasco ug House Speaker Martin Romualdez.
Mitambong usab sa maong kalihokan sila si Cebu City Mayor Michael Rama, Mandaue City Mayor Jonas Cortes, ug Lapu-Lapu City Mayor Junard ‘Ahong’ Chan kinsang miduyog kang Liloan Mayor Aljew Frasco sa pag-abi-abi sa mga VIP guest.
