PROVINCE OF CEBU-Gipasalig sa Cebu Provincial Police Office nga andam na ang kapulisan sa probinsya usa ka buwan kapin sa dili pa ang Pasigarbo sa Sugbo 2023 karung umaabot Augusto 27.
Matud pa ni PCOL Rommel Ochave/ CPPO Director nga nakig alayon na ang sakop sa kapulisan sa mga LGU ug sa Kapitolyo alang sa pagpangandam sa traffic scheme ug gidaghanon sa personnel nga ma deploy sa maong kalihukan.
Dugang pa ni Ochave nga nakapahigayon na ang CPPO ug occular inspection sa mga venue kung asa ipahigayon ang street dancing ug ritual showdown sa pasigarbo samtang gipaabot usab sa ilang buhatan ang total number headcount gikan sa Cebu Provincial Tourism Office sa mga mo salmot sa maong kalihukan.
Sigon pa nga mas tutukan karun sa kapulisan ang siguridad lasbi na sa pagbalhin sa venue gikan sa Cebu City paingun sa habagatang dakbayan sa Carcar.
Kahinumduman nga nahimugso ang Pasigarbo sa Sugbo maong subay sa pagsaulog sa founding anniversary sa Probinsya.
