Charo Santos-Concio, hingpit na nga nahimong Philippine Air Force reservist

Mapasigarbuhon nga gibandera sa social media sa beteranong aktres nga si Charo Santos-Concio nga usa siya ka reservist sa Philippine Air Force (PAF).

Gipaambit sa aktres ang pipila ka mga litrato sa iyang graduation rites nga nagsul-ob sa iyang uniporme sa militar diin nakadawat usab siya og certificate of completion uban sa ubang mga gradwado.

Matod sa aktres, usa ka kalampusan ang iyang pagtapos sa short-term nga kursong militar.

Ang pag-apil sa kursong militar nakatabang kaniya sa pagkat-on og dugang mahitungod sa tinuod nga kahulogan sa gugma alang sa nasud.

Nagpasalamat usab si Charo Santos sa mga tawo sa iyang palibot, kinsa mitabang ug misalig nga iyang mahuman kining maong journey.