Anaa na sa labing menos 55 ka mga indibidual ang nakabsan sa kinabuhi human ang grabehang pag-ulan nga nasinatian sa South China partikular na sa Guangdong Province nga miresulta sa grabe nga pagbaha og pagdahili sa kayutaan.
Kung diin ang mga footage nagpakita sa mga lugar sa kasyudaran nga nalubog sa tubig ug mga building samtang ang mga emergency responders sa mga speedboat naglumba sa pagluwas sa mga natanggong nga mga residente sukad Hunyo 9, 2024 matud pa sa Chinese state media.
Samtang, liboan usab ka mga tawo sa tibuok habagatang Tsina ang gipabakwit, nga adunay daghan pa nga posibleng nameligro, tungod kay ang makamatay nga pagbunok sa ulan nagpadayon sa paghapak sa rehiyon, nga nagpahinabog kalit nga pagbaha ug mga pagdahili sa lapok.
Sa sayo pa sa semana, kapin sa 10,000 ka mga tawo ang gipabakwit gikan sa Meizhou, ug anaa sa 130,00 ang nahabilin nga wala’y kuryente.
Samtang adunay mga lungsod nga gipataas ang pagtubag sa flood control emergency response to Level-I.
Ang sistema sa pagtubag sa emerhensiya sa pagbaha sa China adunay upat ka lebel, nga ang Level-I mao ang labing grabe.
Niini, 38 ang gikataho nga namatay sa lalawigan sa Pingyuan sa siyudad ug duha ka tawo ang gikataho nga nawala,
Adunay kapin sa 55,000 ka tawo ang naapektuhan sa kusog nga ulan ug ang direktang pagkawala sa ekonomiya gibanabana nga anaa sa 5.8 bilyon yuan ($799 milyon.)
Basi usab sa report sa state media nga sa duol nga habagatang probinsya sa Fujian, labing menos walo ka mga tawo ang namatay, lakip ang upat sa Wuping county ug ang nahabilin sa Shanghang county,
Gidugang usab niini nga ang kusog nga pag-ulan nakaapekto sa gibanabanang 586,500 ka mga tawo sa 40 nga mga county.
