Nagpabuto og mga flare ang mga pwersa sa China samtang nagpahigayon og maritime patrol ang usa ka eroplano sa Philippine Coast Guard (PCG) duol sa Mischief Reef sa West Philippine Sea.
Sumala ni Rear Admiral Jay Tarriela, tigpamaba sa PCG sa West Philippine Sea, delikado ang insidente tungod kay dili sigurado kung unsa kalayo ang maabot sa mga flare nga mahimong makaigo sa eroplano.
Dugang pa, ang mga pwersa sa China giingong nagpagawas usab og radio challenge ug giinsister ang ilang “indisputable sovereignty” sa lugar, usa ka pahayag nga kusganong gihimakak sa PCG.
Gipasiugda ni Tarriela nga ang Panganiban Reef anaa sa sulod sa exclusive economic zone (EEZ) sa Pilipinas.
Ang bahura, nga kaniadto giingon nga gigamit lamang isip usa ka pahuwayan sa pangisda niadtong 1990s, karon usa na ka hingpit nga base militar sa China.
