Cebu City- Sikop sa entrapment ang usa ka Chinese National human nga giingong manggamit kini og mga minor de edad para sa pakighilawas kung diin usa usab ka minor de edad ang bugaw niini sa usa ka motel sa Brgy. Banilad, Mandaue City, Cebu.
Giila ang Chinese National nga si Mark David Tan Cue, 37 anyos.
Matud ni PCI Eldefonso Miranda Jr. ang hepe sa Casuntingan PS nga midangop sa ilang buhatan ang inahan sa usa sa mga biktima sa suspect para isumbong ang gihimo niini sa iyang anak.
Basi sa imbestigasyon, giingong gibugaw ang biktima sa lain pang minor de edad pinaagi sa pakigchat sa Facebook niadtong Oktubre. Matud sa inahan sa biktima nga nahaylo sa kwarta ang iyang anak mao nga misugot kini sa gusto sa Chinese. Giingong gibayran kini og 3,000 pesos kung diin maadto ang usa ka libo sa bugaw.
Dili na matud pa gusto nga mautro pa sa biktima ang nahitabo kaniya mao nga misumbong siya sa iyang ginikanan mao nga nagpatabang na sila sa kapulisan ug dali usab dayon sila nagpahigayon og entrapment operation
Nasayran nga naa sa edad 13 hangtud 14 anyos nga mga minor de edad ang sagad biktimahon sa naasoy nga Chinese ug 17 anyos usab ang mga bugaw niini.
Nakatakda nga pasakaan og kasong trafficking in person ang suspect. Samtang padayon nga gipangita sa mga kapulisan ang minor de edad nga bugaw para sa pagpalawm sa ilang imbestigasyon kabahin niining maong insidente.
