Gitubag ni Press Officer Claire Castro ang pamahayag ni Bise Presidente kalabot sa gibuhian niini nga mga pulong nga ‘bobo’ batok sa kasamtangang administrasyon.
Ingon man ang dili na niya kinahanglang ipasabot sa publiko ang resulta sa iyang personal nga pagbiyahe.
Gisugdan niini ang iyang tubag nga ang kakuwangan sa kasayuran sa balaod ug sa ethical standards kay dili matago sa pamalikas o pagpang-insulto.
Dugang niini nga si Bise Presidente na mismo ang miingon nga trabaho ang iyang pagbyahe, diin bitbit ang posisyon, bandera sa Pilipinas ug ang official function.
Hinungdan nga angayan lang nga ipahibalo sa ikaduhang Presidente ang maayong resulta sa iyang giingong pagtrabaho.
Ingon man nga kung walay mahatag nga report, nagpasabot lang kini nga walay gitrabaho.
