Comelec, andam na sa proklamasyon sa 12 ka mga mananaog nga senador

Andam na ang Commission on Election (COMELEC) sa pagproklamar sa 12 ka mga mananaog nga senador.

Matod ni COMELEC chairman George Garcia, ang nasangpit nga proklamasyon ipahigayon karong adlawa Mayo 17 sa Tent City sa Manila Hotel unyang alas 3:00 sa hapon.

Diin ang mga mananaog nga kandidato tugotan nga makadala og 10 ngadto sa 15 sa ilang mga kauban.

Hatagan usab og lima ka minuto ang matag kandidato aron magpasalamat sa mga misuporta kanila.

Dugang niya nga ang National Board of Canvassers (NBOC) nipadala na og pormal nga imbitasyon sa 12 ka mga senador.

Kini naglakip nila ni:

1. Christopher “Bong” Go adunay 27, 121,073 ka boto.
2. Bam Aquino – 20,971,899 ka boto
3. Ronald “Bato” Dela Rosa – 20,773,946 ka boto
4. Erwin Tulfo – 17, 118, 881 boto
5. Kiko Pangilinan- 15, 343, 229 boto
   6.Rodante Marcoleta- 15, 250, 723 boto
6. Panfilo “Ping” Lacson – 15, 106, 111 boto
7. Vicente “Tito” Sotto III – 14,832,996 ka boto
8. Pia Cayetano – 14,573,430 ka boto
9. Camille Villar – 13,651,274 ka boto
10. Lito Lapid – 13,394,102 ka boto
11. Imee Marcos – 13,339,227 boto.

Samtang ang proklamasyon sa mga midaog nga Party-list groups ipahigayon karong Lunes, Mayo 19.