Nanawagan ang Commission on Elections sa mga indibidwal kansang mga ngalan nga natangtang sa voters list sa ahensya nga i-reactivate aron makabotar sa 2025 Midterm Elections.
Matud ni COMELEC Chairman George Erwin Garcia nga bisitahon lang ang labing duol nga Local Election Offices aron makapa-lista pagbalik.
Dugang pa niini nga mahimo nang ma-reactivate ang ilang poll body status gamit ang online system sa komisyon.
Ingon man ang pagbisita sa ilang website arun mahibaw-an ang proseso unsaon pag-reactivate sa ilang Voter Registration.
Giklaro usab sa opisyal nga wala nay biometric ug fingerprint nga himuon tungod kay aduna nay datos ang poll body.
Kung kahinumdoman, gitangtang sa ahensya ang dul-an sa upat ka milyon nga mga botante nga Pilipino sa ilang listahan tungod kay wala sila makabotar sa duha ka sunodsunod nga piniliay.
