CEBU – Patay ang usa ka noturyos nga kumunista nga teroristang lider sa New People’s Army atul sa engkwentro tali sa 62nd Infantry Battalion ug lima ka komunistang NPA gahapon sa buntag Nobyembre 21 2022 sa Sityo Banderahan, Barangay Trinidad, gihulngan City, Negros Oriental.
Kung diin ang nakalas giila sa mga kasundaluhan nga sakop sa Commanding Officer sa Section Guerilla Unit (SGU), Central Negros Front 1 (CN1), Komiteng Rehiyon Negros,Cebu,Bohol, ug Siquijor(KR-NCBS), nga naglihok sa tri-boundaries sa Guihulngan ug Canlaon City ingun man sa moises Padilla, Negros Occidental.
Matud pa ni Major Israel Galorio, ang tigpamaba sa Visayas Command nilanat ug lima ka minuto nga binayloay og bala sa duha ka habig nga misangpot sa kamatayon sa usa ka miyembro sa NPA.
Kung diin narekober sa mga tropa sa gobyerno ang usa (1) ka M16 rifle; upat (4) ka magazine nga adunay 43 ka mga buhing bala sa 5.56mm lakip ang mga butang sa CNT.
Samtang sa nakalabay nga Nobyembre 19, nasakmit usab sa mga tropa sa 47th Infantry Battalion ang tagoanan sa armas sa teroristang komunistang NPA sa Brgy Gatusiao, Candoni, Negros Occidental, kung diin ang cache sa armas adunay 16 ka Cal .38 nga pistola; usa (1) ka Cal .22 pistol; tulo (3) ka homemade shotgun; onse (11) ka baril sa homemade shotgun; daghang mga bala; tulo (3) ka magasin; upat (4) ka cellphone ug uban pang kagamitan sa gubat.
