CENTRAL VISAYAS-Gipadayag ni Atty. Arvin Odron ang regional director sa Commission on Human Rights Central Visayas nga wala’y na-violate nga kalapasan sa balaod ang Police Regional Office XI sa ilang pagpatuman sa search warrant nga nagduso sa pagpangita kang Pastor Apollo Quiboloy, ang founder sa Kingdom of Jesus Christ.
Kini bisan paman sa mga pangangkon sa mga miyembro niini nga adunay kalapasan sa tawhanong katungod nga nabuhat ang sakop sa kapulisan sama sa pagpangulata, illegal nga pagpanakop, pagamit og tear gas ug uban pa.
Kung kahinumduman nga mibutho ang kagubot sa Davao City niadtong Sabado human nga gisulod sa kapulisan ang KOJC Compound diin matud pa adunay namatay nga miyembro niini.
Dugang pa ni Odron nga ang pagpatuman sa search warrant kay kinahanglan nga dayon-dayon ug wala’y mga sibilyan arun dili mababagan ang gihimo nga operasyon diin misangpot sa mas dako pa nga kagubot.
Human sa pila ka adlaw sukad nga mibutho ang kaguliyang sa nasangpit nga lugar diin nakahukom ang Regional Trial Court Branch 15 sa Ecoland dakbayan sa Davao City ngadto sa kapulisan ang cease and desist o ang pag-undang sa ilahang operasyon sulod sa KOJC compound ug pagtangtang sa mga barriers sa entrada nga bahin sa nasampit nga compound.
Sumala sa korte nga ang gihimo nga pagpugong kat giingong
supak sa katungod sa reliheyusong pagtuo ug pagtuon sa mga miyembro.
