CEBU – Nitanyag karon og P1 milyones si Negros Oriental 3rd District Rep. Arnulfo Teves isip reward ngadto ni bisan kinsa nga makahatag og impormasyon alang sa pagkasikop sa mga tawo nga mipatay sa iyang drayber sa miaging buwan.
Sa post sa iyang Facebook page, gikondena ni Teves ang pagpatay sa iyang driver nga si Juvanie Catubay sa mga riding-in-tandem nga suspek sa lungsod sa Sta. Catalina, Negros Oriental niadtong Nobiyembre 28.
Gihangyo usab niya ang Negros Oriental Provincial Police Office (NOPPO) nga sulbaron dayon ang krimen ug patubagon ang mga mamumuno nga kwestyonable kung giunsa nila pagkuha ang tag-as nga kalibre sa armas nga gigamit sa pagpatay sa biktima.
Gikawat usab sa mga suspek ang motorsiklo sa biktima.
Samtang sa habig ni NOPPO director, Police Colonel Reynaldo Lizardo, niangkon nga wala pa nila matino ang motibo sa krimen ug padayon silang nihimo og hugot nga imbistigasyon sa maong insedente.
