BALITANG ESPESYAL-Since graduation season pa man, naay sunod-sunod nga istorya nga mupukaw sa atong emosyon ug mukuha sa atong atensyon.
Ania ang istorya sa conjoined twins sa Statesville, North Carolina, USA nga gihatagan lang og dos porsiyento nga kahigayonan nga mabuhi, apan karon himsog na ang duha ug nakagradwar na sa Kindergarten!
Kini ang istorya ni Abby ug Erin, usa ka twins nga natawo nga ang ilang mga ulo nagtaput o gitawag nga craniopagus twins, usa ka kondisyon diin ang ilang mga ulo gipilo ug usa ra sa ilang mga tisyu sa utok.
Sa pagkatinuod, ang tsansa nga makabaton og craniopagus twins usa lang sa 2.5 million tungod kay espesyal ang kaso nila ni Abby ug Erin.
Matod sa ilang 33-anyos nga mommy nga si Heather Delaney nga bag-o pa lang siyang manganak dihang gipahibawo siya sa doktor nga gamay ra ang kahigayonan nga mabuhi ang iyang mga anak.
Hulyo 2016 sa dihang natawo ang twins, apan tungod sa kondisyon, wala sila gipagawas sa neonatal intensive care unit sa Children’s Hospital sa Philadelphia sa Pennsylvania.
Niadtong 2017, gipaubos sila sa 11 ka oras nga operasyon aron mabulag ang ilang mga ulo.
Sa samang higayon, dako gihapon ang risgo sa maong operasyon tungod sa kahadlok sa pamilya, apan dako ang kalipay sa mommy ug daddy nga naluwas ang duha ka bata.
Fast forward karong tuiga, hapit na ang ilang ika-7 nga adlawng natawhan ug si Heather ug ang iyang bana nga si Riley maoy garbo nga mga ginikanan kay nagpaabot sila sa gradwasyon sa ilang duha ka anak sa Kindergarten.
Ang mga doktor mao ang misalig sa dihang ilang makita ang magtiayon, ug giisip nila kini nga usa ka milestone nga ilang naabot.
