Nakaluwas si Bangsamoro Autonomous Region in Muslim Mindanao (BARMM) Chief Minister Abdulraof Macacua sa usa ka pag-ambush sa iyang convoy sa Barangay Bitu, Datu Odin Sinsuat, Maguindanao del Norte gahapong adlawa.
Sumala sa inisyal nga mga taho gikan sa mga awtoridad, ang wala mailhing armadong mga suspek nagpabuto sa convoy sa Chief Minister samtang kini nagbiyahe sa lugar.
Bisan pa sa pag-atake, gikumpirmar nga anaa sa maayo ug luwas nga kahimtang na si Macacua.
Sa pagkakaron, ang kapulisan nag-imbestiga na aron mahibal-an ang identidad sa mga armado sa luyo sa pag-ambush, ingon man ang tinuod nga motibo sa pag-atake.
Ang mga awtoridad karon naglibot sa lugar samtang nagpahigayon og hot pursuit operations.
Ang pulisya miingon nga dili nila dayon maklasipikar o makonektar ang insidente sa politika o mga isyu sa rehiyon.
