CEBU CITY – Walay duha-duha nga gi-terminate ni Cebu City Mayor Edgardo Labella ang usa ka traffic enforcer nga nakuhaan og video nga nangayo og bayad sa iyang gisita nga driver.
Makita sa video nga usa ka kaso sa “kotong” o korupsyon ang gibuhat sa maong traffic enforcer sa Cebu City Traffic Office (CCTO).
Sa gi-share nga video ni Labella kay wala nasayud ang maong enforcer nga gi-videohan na kini samtang padayun kini sa pakig-sabot sa driver kinsang nasita sa wala pa mailhing rason.
Nadunggan sa video nga gi-ingnan sa enforcer ang driver nga dili kini mosaba nga nibayad na kining driver sa enforcer diin mokantidad sa P3,000 ang gibayad sa driver.
Atung paminawon ang pakighinabi sa traffic enforcer ug sa driver.
Wala nakapugong si Labella sa iyang pagkadismayado sa enforcer diin sa pag-trace sa syudad kay nasayran nga 25 na kini ka tuig nga nag-serbisyo sa gobyerno.
Dugang pa ni Labella nga “Pero sa kapila na nako pag ingon, I will not tolerate any form of corruption in my administration.”
Iya na kining gipaabot sa HRDO (Human Resource and Development Office) arun ma-terminate na dayun ang maong sakup niini samtang gi-awhag niini ang tag-iya sa video nga moduol sa City Legal Office arun magpasaka og reklamo ug masugdan ang imbestigasyon.
Samtang, dismayado usab ang Officer-In-Charge sa Cebu City Traffic Office (CCTO) nga si Lyntoni Alburo butang nga pahimagno niini sa iyahang mga tawo nga dili kini buhaton balik kay mag-atubang kini og silot.
