Masaligon ang pamunuan sa Department of Agriculture (DA) nga ang presyo sa sibuyas magpabiling ubos sa mga merkado sa nasud karong kapaskuhan.
Sumala sa ahensya, ang pula nga sibuyas gibaligya karon sa P300 matag kilo sa pipila ka mga merkado sa Metro Manila.
Sa usa ka pahayag, si DA Spokesperson Assistant Secretary Arnel de Mesa miingon nga daghang gidaghanon sa imported nga sibuyas ang gikatakdang moabot sa nasud sa dili pa ang kapaskuhan.
Sa kinatibuk-ang gidaghanon sa 56,000 metriko tonelada nga sibuyas nga gihatagan og permiso nga ma-import diin sa pagkakaron kay 11,000 metriko tonelada pa lang ang aktuwal nga miabot sa atong nasud.
Tungod niini, ang pagsulod sa nahabilin nga bahin sa imported nga sibuyas kay gipaabot pa.
Kung moabot na kini nga gilauman nga kinatibuk-ang suplay, adunay posibilidad nga ang presyo sa sibuyas sa mga merkado mokunhod ug mahimong mas barato alang sa mga konsumidor, nga gilauman nga mobalik sa taliwala sa P120 hangtod P150 matag kilo.
