MANDAUE CITY- Nakadawat og pasidungog ang kagamhanang dakbayan sa Mandaue human kini gilla sa Bureau of Local Government Finance (BLGF) isip ika-duha sa top-performing city sa tanang highly-urbanized cities sa nasud sa tuig 2022.
Kini human mitala ang dakbayan sa dakong umento niini sa locally sourced income.
Matud pa ni Mandaue City Treasurer Atty. Regal Oliva nga senyales kini nga wala nagsalig ang dakbayan sa Mandaue sa National Tax Allotment (NTA) ug kayang magpundo sa galastuhan sa dakbayan sa kaugalingog buhis.
Sa kasamtangan mukabat ang tinuig nga budget sa dakbayan sa kapin P4-bilyones.
Isip ika-10 nga pinakagamay nga siyudad by area, ang dakbayan sa Mandaue makadawat og P1.1 bilyones nga buhis matag tuig gikan sa nasudnong kagamhanan.
Dugang pa ni Oliva nga nagpamatuod kini kung unsa ka business-friendly ang ilang dakbayan nga nakaani na og lain pasidungog gikan sa ahensya sa kaulohan.
