CEBU – Magbutang ang ug intensity meter ang Kagamhanan sa Dakbayan sa Talisay nga maka detect o maka identify ug paglihok sa yuta.
Kini ang gitino ni Talisay City Councilor Danny Caballero kinsa chairman sa Committee on Disaster Resilience sa konseho sa naasoyng Syudad, diin matud pani Caballero nga dako kinig tabang alang sa awareness sa mga Talisaynon samot na nga dunay aktibong earthquake faultline ang Talisay nga nahimutang sa Brgy. Tapul ug Jaclupan.
Tinguha ni Konsehal Caballero nga karong buwana mataod ang maong intensity meter sa Talisay City Hall diin ang taga DOST-PHIVOLCS maoy mag montar niini ug abagan usab sila sa taga Talisay CDRRMO sa maong Syudad.
Una niini usa sa resolusyon ang gipasar sa komitiba ni Konsehal Caballero nga nagtugot ni Talisay City Mayor Gerald Anthony Samsam Gullas nga mo enter into MOA uban sa DOST-PHIVOLCS nga mag install sa maong intensity meter, aron adunay near real-time basis sa unsa mang earthquake events sa maong Syudad.
