CEBU – Giila sa usa ka grupo sa mga tigpanukiduki ang 120 ka mga gene nga nalambigit sa schizophrenia.
Giangkon usab sa grupo nga ang ilahang nahibal-an mao ang pinakalig-on nga nagpakita sa genetic basis sa psychiatric disorder ug mahimong mosangpot sa bag-ong mga pagtambal.
Matod ni co-lead author Michael O’Donovan sa Division of Psychological Medicine ug Clinical Neurosciences sa Cardiff University sa Wales, nga ang nangaging panukiduki nagpakita sa mga asosasyon tali sa schizophrenia ug sa daghang wala mailhi nga mga han-ay sa DNA, apan panagsa ra ma-link ang mga nahibal-an sa espisipiko piho nga mga genes.
Dugang ni O’Donovan, nga ang karon nga pagtuon dili lamang labi nga nagpadako sa gidaghanon sa mga asosasyon, apan nahimo nga masumpay ang kadaghanan sa specific genes.
Sa pinakadako nga genetic study sa schizophrenia, gatusan ka mga tigdukiduki sa 45 ka mga nasud ang nag-analisar sa DNA gikan sa halos 77,000 ka mga tawo nga adunay kondisyon ug dul-an sa 244,000 nga wala niini.
Uban sa pag-ila sa 120 ka mga gene nga lagmit makaamot sa schizophrenia, nakaplagan sa mga tigdukiduki nga kini nga mga gene anaa sa brain cells nga gitawag ug mga neuron, apan dili sa bisan unsang cell o tissue type ug kini nagsugyot nga ang mga neuron adunay mahinungdanon nga papel sa schizophrenia.
