DALAGUETE, CEBU-Miluwat og pamahayag si Dalaguete, Cebu Mayor Ronald Allan “Ronnie” Cesante kabahin sa gisang-at nga kaso sa National Bureau of Investigation – Central Visayas (NBI-7) kabahin sa kamatayon sa usa ka job order employee sa munisipyo sa lungsod niadtong Hunyo 11, 2024.
Matod pa ni Mayor Cesante nga sa kasamtangan wala pa nakadawat iyang kampo sa kopya sa maong reklamo.
Apan dugang niya nga posibling gipanalipdan kini og kaatbang sa politika tungod sa nagkaduol nga piniliay sa umaabot Mayo 2025.
Kahinumduman nga kasong Anti-Graft and Corrupt Practices Act, Reckless Imprudence resulting in Homicide, ug Grave Misconduct ang giatubang ni Mayor Cesante uban sa laing siyam ka mga indibidwal lakip na ang mga municipal engineers tungod sa kapakyas niini og pagpatuman sa occupational hazard safety measures human aksidenteng natagak sa babaw nga bahin sa covered court sa Barangay Maloray sa samang lungsod.
Gi-anusyo ang maong pagkiha kang Mayor Cesante ug uban pa ni NBI-7 Regional Director Atty. Rennan Augustus Oliva ubos sa buhatan sa Ombudsman niadtong adlaw sa Biyernes Oktubre 11, 2024.
