METRO MANILA-Nagpasalamat si Davao del Norte Rep. Pantaleon Alvarez nga sa kataposan nakapasar sa House Bill 10439 o Medical Cannabis Law.
Matod ni Alvarez nga usa sa mga nag-unang author sa maong sugyot, maayo kini nga pagsugod sa atong mga kababayan nga adunay mga sakit sama sa cancer ug seizure nga makatabang sa paghupay sa sakit sa medical cannabis.
Dugang niini nga gitun-an ug gigamit na kini sa ubang nasod, butang nga angay na kining gamiton sa Pilipinas, ilabi na nga gitugotan sa Pilipinas ang alkohol, sigarilyo ug mas kusog nga mga painkiller.
Kinahanglan usab nga mapamatud-an nga adunay benepisyo sa kahimsog ang medikal nga cannabis.
Gawas pa niini, matod niya nga ang balaod makaabli sa potensyal nga kita tungod kay ang medikal nga cannabis mahimong itanom sa nasud imbes nga mag-import.
Gitino usab niini nga adunay dako nga potensyal nga makamugna kini og income alang sa atong mga mag-uuma ug lokal nga mga korporasyon diin makatabang usab sa gobyerno kay mahimo man kining buhisan.
