Miabot na sa 51 ang namatay sa Vietnam gumikan sa Bagyong Bualoi tungod sa kalit nga pagbaha, sumala sa taho sa gobyerno sa Vietnam niadtong Biyernes. 14 ka tawo usab ang gikataho nga missing ug 164 ang naangol.
Miigo ang bagyo sa amihanan-sentral nga bahin sa nasud niadtong Lunes, human sa paghapak sa Pilipinas uban sa kusog nga hangin ug ulan.
Subay niini niabot sa 15.9 trilyon dong o halos $603 milyones ang gibanabanang danyos sa Bagyong Bualoi.
Liboan ka mga balay, eskwelahan, karsada, ug mga opisina ang naapektuhan, samtang ang suplay sa kuryente nabalda usab sa daghang mga lugar.
Gibanabana nga 230,000 ka mga panimalay sa Vietnam ang apektado ug halos 89,000 ka ektarya sa humay ug mga tanom ang nangadaot tungod sa epekto sa Bagyong Bualoi.
