GISUSI sa Department of Education Central Visayas (DepEd 7) ang mga nahitabo sa Marigondon national high school sa Lapu-Lapu City, Cebu, sa giingung pagpahigayon sa ilang junior high school graduation ceremony sa Hoops Dome alas 4 sa kadlawon niadtong Miyerkules, Mayo 29, 2024.
Kini ang gitino ni DepEd 7 Director Salustiano Jimenez , atul sa pakighinabi sa Bombo Newsteam, nga nakig-estorya siya ni Lapu-Lapu City Schools Division Superintendent Marilyn Andales, kinsa nipahibawo kaniya nga napugos ang tunghaan sa paghimo og sayo nga seremonyas sa graduation tungod sa memorandum sa DepEd nga nag-ingon nga kinahanglang wala nay graduation rites sa Hunyo.
Gihatagan ug katin-awan ni Jimenez, nga dili alas 4 sa kadlawon, kundili alas 5 sa buntag, kana gumikan kay ang tunghaan adunay kapin sa 1,500 ka junior high school graduates karong tuiga.
Una niini, adunay nikatap nga ang call time alas 3 sa kadlawon alang sa seremonyas sa gradwasyon, kini nagpasabot nga ang mga estudyante ug ubang nanambong kinahanglang momata sa ala 1 sa kaadlawon, butang nga-niani ug nagkadaiyang reaksyon sa katawhan.
