CEBU – Giklaru ni DepEd 7 Director Dr Juliet Jeruta nga wala pa’y report nga adunay mga magtutudlo sa rehiyon 7 nga na-recruit sa KAPA-Community Ministry International, Inc.
Matud ni Dr Jeruta nga iyaha nang nadungug ang maong scheme apan iyahang gitataw nga dili kini maayu.
Gihimug-atan niini nga walay ‘pyramid scheme’ ang nagmalampusun.
Subay niini, gipahinumduman ni Jeruta ang mga magtutudlo nga dili magpadala sa mga investment scam ug dili basta nga mag-invest sa mga dili iladu ug dili lehitimo.
Giawhag niini ang mga magtutudlo nga gamitun ang utuk sa pag-diskubri sa tinu-ud arun nga dili ma-ilad sa kaulahi-an.
Nagkanayun si Jeruta nga angayan nga panaminan sa mga magtutudlo ang mga nahitabu sa kaniadtu nga adunay daghang na-ilad sa mga investment scam.
