CENTRAL VISAYAS-Padayong nangandam ang Department of Education sa Central Visayas (DepEd-7) alang sa umaabot nga Barangay ug Sangguniang Kabataan Elections (BSKE) karong Oktubre 30.
Kini ang gitino ni Dr. Salustiano Jimenez, regional director sa DepEd-7, nga nagpahigayon na og mga tigom ang ahensya uban sa Commission on Elections (Comelec), ug sa ilang mga superintendente ug superbisor.
Gipaabot usab sa DepEd-7 ang final list gikan sa Comelec alang sa board of tellers nga moserbisyo atol sa piniliay.
Matod niya nga gitan-aw sa Comelec ang pipila ka mga konsiderasyon sa pag-ila sa board of tellers.
Samtang, walay nakitang problema ang kadagkoan sa DepEd-7 kalabot sa pagpahigayon sa eleksiyon sa mga malls.
Dugang pa, nga angay lang sigurohon sa Comelec ang kaluwasan sa mga botante ug magtutudlo nga nagserbisyo sa eleksiyon sa mga malls.
