Masaligon ang Department of Education (DepEd) nga ang Kongreso mohatag sa ilang hangyo alang sa dugang pondo nga dul-an sa ₱100 bilyones alang sa tuig 2026.
Matod ni Education Secretary Sonny Angara, kining dugang nga pondo gitagana aron matubag ang gikinahanglang kausaban sa sistema sa edukasyon.
Lakip sa mga prayoridad nga hatagan og pagtagad mao ang kakuwang sa mga classroom, ang problema sa malnutrisyon nga nakaapekto sa pagkat-on sa mga bata, ug ang kakuwang sa mga ekipo nga gikinahanglan sa mga tinun-an ug magtutudlo sa nagkadaiyang dapit sa nasud.
Dugang pa sa kalihim nga matag peso nga igahin siguruhon nga makaayo ug mabati sa mga magtutudlo ug estudyante sa tibuok Pilipinas.
Gihatagan niya og gibug-aton nga kini nga kantidad katumbas sa 4% sa Gross Domestic Product (GDP) sa nasud, nga gitagana alang sa dugay nga mga reporma ug kalamboan sa sektor sa edukasyon, ug aron masiguro nga kini nga mga saad matuman ug mahimong transparent kung mabahin ang pundo, si Angara niingon nga ang DepEd mogamit og binuwan nga public dashboards ug open government platforms.
Pinaagi niini, mas transparent ug accountable ang ahensya sa paggamit sa pundo, ug ma-monitor sa publiko ang pag-uswag sa mga proyekto ug programa sa DepEd.
Nunot ning maong pamahayag, si Secretary Angara nipadayag og pasalamat sa Senado sa padayon nilang pagsuporta sa mga programa sa DepEd
