CEBU CITY-Gi-ablihan na ang gikahinamhinam nga desalination plant sa Metropolitan Cebu Water District sa Barangay Mambaling ning dakbayan sa Sugbo.
Gipangulohan ang maong Inauguration Ceremony nila ni MCWD Board of Director Chairman Atty. Jose “Joey” Daluz III ug ni General Manager Edgar Donoso ug pipila ka mga opisyales sa Pilipinas Water Resources Inc. kinsa ag operator sa maong planta.
Matod pa ni Atty. Daluz nga ang maong planta sa inisyal nga produksyon niini makasuplay sa kapin 10 million liters sa tubig kada adlaw gawas sa gilantawan nga 25 million liters kung fully operational na og makadalit sa mga konsumidor sa water district sa central ug south area sa dakbayan sa Sugbo.
Ang maong planta sa Mambaling usa lang sa tulo ka mga desalination plants sa water district, una sa Barangay Opao sa dakbayan sa Mandaue ug sa umaabot sa Cordova sa isla sa Mactan kun diin nagtumong sa maong proyekto ang kanunay nga suplay sa tubig ilabi na sa panahon sa huwaw.
Gisumpay usab sa network of water pipes sa water district ang maong desalination plant.
Subay niini, mapasalamaton ang maong opisyal sa tibuok hanay sa water district sa kalampusan sa maong proyekto.
