Gisapublikar sa Office of the Ombudsman mga kopya sa mga desisyon ni kanhi Ombudsman Conchita Carpio-Morales ug Samuel Martires bahin sa 2016 dismissal order batok kang Senador Joel Villanueva.
Kahinumduman nga ang kasamtangang Ombudsman Jesus Crispin “Boying” Remulla nagtawag sa desisyon ni Martires niadtong 2019 nga usa ka “sekreto nga desisyon” nga nagbaliktad sa naunang mando ni Morales nga tangtangon si Villanueva sa serbisyo tungod sa giingong P9.7-milyones nga anomaliya sa pork barrel sa dihang siya usa pa ka kongresista sa CIBAC Party-list.
Sa iyang desisyon, si Martires miingon nga walay igong ebidensya aron pamatud-an ang kalambigitan ni Villanueva sa sayop nga paggamit sa pondo.
Base sa report sa NBI, natino nga ang pirma sa senador sa daghang mga dokumento peke o gipeke.
Dugang pa, walay ebidensya nga si Villanueva o uban pang mga respondents giingong nakabenepisyo gikan sa giingon nga kantidad. Hinuon, girekomendar sa Ombudsman nga palawman pa ang imbestigasyon aron mahibal-an kung kinsa ang naa sa luyo sa mga peke nga dokumento.
Gipasabot ni Remulla nga ilang gipahibalo ang mga desisyon alang sa impormasyon sa publiko ug aron malikayan ang espekulasyon. | via Bombo Ken Apor
