Nakig-alayon si Presidente Ferdinand Marcos Jr. sa nagkalain-laing organisasyon sa India atol sa iyang pagbisita sa New Delhi mahitungod sa disaster resilience, railway technology, ug space research.
Sa iyang pakigtagbo sa Coalition for Disaster Resilient Infrastructure, gipahayag ni Presidential Communications Office Secretary Dave Gomez nga dako kini nga tabang sa pagpalig-on sa mga pasilidad sama sa dalan, taytayan, ug dunggoanan batok sa climate change, lakip na ang pagkuha og pondo ug teknikal nga tambag alang sa pagpangandam sa kalamidad.
Bahin sa transportasyon, nipadayag ang Rail India Technical Economic Service Limited sa ilang interes nga tun-an ang tulo ka dagkong proyekto sa riles sa nasod, ang Mindanao Rail System, ang mass rail system sa Cebu, ug ang pagpadako sa linya sa PNR sa Tutuban.
Dugang pa niini, nakig-gipulong usab sila sa Indian Space Research Organization alang sa posibleng paghimo og joint satellite uban sa Philippine Space Agency nga magamit sa komunikasyon, pagpanagna sa panahon, seguridad, ug disaster response.
Samtang nalipay ang administrasyon sa resulta sa maong mga tigom, nakatakda usab nga makigtagbo ang Presidente sa mga lider sa negosyo sa India aron makadani og mga investisyon nga makahatag og liboan ka bag-ong trabaho alang sa mga Pilipino.
