CEBU CITY-Midangop sa nasudnong buhatan sa Korte Suprema (Supreme Court) si Dismissed Cebu City Mayor Michael Rama sa pagsugyot og pag-issue ug Writ of Mandamus and Prohibition batok sa Office of the Ombudsman sa desisyon niini sa kasong nakapasuspenso niya sa katungdanan.
Sa 34-ka pahina nga petsiyon para sa writ of mandamus ug prohibition, si Rama misugyot nga ang desisyon sa Ombudsman nga nakalapas daw kini sa iyang katungdanang konstitutional para sa paspas nga disposition sa mga kasong iyang giatubang.
Dugang pa nga gi-compel niini ang Ombudsman sa hinadaling resolusyon sa iyang mga kaso nga gipasaka ni alyas Jonel Saceda niadtong Enero 24, 2023.
Kahinumduman nga sa desisyon sa Ombudsman nga pinetsahan Septiyembre 9, 2024 diin nahukman nga guilty si Rama sa nepotismo nga adunay silot nga dismissal from public office ug perpetual disqualification from government service.
Miduso og motion for reconsideration si Rama niadtong Oktubre 14, 2024 kansang nagpabiling unresolved nga nakapa-aghat niya sa pagdangop sa Korte Suprema.
Sa pagkakaron, nagpaabot nalang ang kampo sa kanhi mayor sa desisyon sa Kinatas-ang Korte sa iyang giatubang nga mga hagit sa balaod.
