Mipasalig ang buhatan sa Department of National Defence nga mahatagan pg hinabang gikan sa national government ang tanang LGU nga naapektuhan sa sunod-sunod nga kalamidad nga miigo sa nasud tungod sa Climate Change ug uban pang rason.
Kalabot niini, gisiguro sa DND nga makadawat og ayuda gikan sa nasudnong kagamhanan ang tanang lokal nga kagamhanan nga apektado sa mga kalamidad.
Matod ni NDRRMC chair ug Defense Secretary Gilberto Teodoro Jr., nga walay mabiyaan sa tubag sa gobyerno.
Ang kalihim mihimo sa pamahayag dungan sa paghatag og pagdayeg sa tanang ahensya nga nagtinabangay sa paghatod sa mga hinabang sa mga apektadong lugar.
Samtang, si Office of Civil Defense (OCD) Administrator, Undersecretary Ariel Nepomuceno niingon nga ang kooperasyon sa mga nag-unang ahensya sa gobyerno nagpakita lang og usa ka tumong.
Ug masiguro ang kaluwasan sa publiko ug maserbisyohan ang ilang mga panginahanglan.
