-- ADVERTISEMENT --

Nagkahiusa ang Department of Energy (DOE) ug Economic Research Institute for ASEAN and East Asia (ERIA) pinaagi sa usa ka duha ka tuig nga Memorandum of Understanding (MOU) aron magmugna og mga polisiya nga nagtumong sa pagsiguro og mas kasaligan ug barato nga enerhiya sa nasud.

Usa sa mga nag-unang pokus sa kasabutan mao ang pagpakunhod sa pagsalig sa mga isla nga wala konektado sa nag-unang grid (off-grid islands) ngadto sa mahal nga diesel. Diin susihon sa duha ka partido ang paggamit sa gagmay nga sukod sa liquefied natural gas (LNG) ug uban pang limpyo nga teknolohiya alang sa mga hilit nga komunidad.

Apil usab sa kasabutan ang pagpalig-on sa koneksyon sa Pilipinas ngadto sa ASEAN Power Grid, nga suportado sa panukiduki ug teknikal nga tabang gikan sa ERIA.///

Kini nga inisyatibo gibase sa Philippine Energy Plan (PEP) 2023–2050, nga nagtumong sa paghimo sa mga pagtuon ngadto sa konkretong mga proyekto ug gipunting nga mga pamuhunan.

Gilauman nga mapalig-on niini ang seguridad sa enerhiya sa nasud ug mapaubos ang gasto sa kuryente alang sa mga Pilipino, bisan pa sa labing hilit nga mga isla.

-- ADVERTISEMENT --