CEBU – Giklaro sa Department of Health (DOH) nga dili pa makonsiderar nga surge ang natala nga pagsaka sa kaso sa COVID-19 sa tibuok nasod.
Gipasabot ni Health Undersecretary Ma Rosario Vergeire nga makonsiderar lang kini nga surge kung adunay kalit nga pagsaka sa ihap sa mga kaso sa COVID-19.
Tino pa ni Vergeire, nga base sa trend sa mga kaso, padayon ang pagsaka sa kaso apan bisan hinay kinahanglan gihapon nga magmatngon.
Dugang pa niini nga mokabat sa 350 ka covid19 infections matag adlaw ang natala sa tibuok nasud nga adunay 50% ngadto sa 60% nga pagtaas gikan sa miaging semana.
Halos tanang health facilities sa nasud adunay admission nga ubos sa 20% capacity bisan pa nga hugot nga gibantayan sa DOH ang pagsaka sa gidaghanon sa hospital utilization sa pipila ka mga lugar sa Metro Manila, Calabarzon ingon man sa Caraga Administrative Region.
Gipasabot usab ni Vergeire nga ang bag-ong pagsaka sa mga impeksyon sa Covid19 lagmit tungod sa presensya sa highhly transmissible Omicron subvariants nga nakit-an sa Pilipinas ingon man ang pagtaas sa mobility ug humihinang immunity sa general population.
