DOH tubagon ang kakuwang sa dentista sa nasud

Giangkon sa Department of Health (DOH) nga adunay grabeng kakulangon sa mga dentista sa nasud.

Sumala ni DOH Undersecretary Emmie Perez, mao kini ang hinungdan nganong daghang ilegal nga mga dentista ang naglihok sa nasud.

Base sa ilang banabana, adunay populasyon nga usa ka dentista sa matag 53,000 ka mga pasyente.

Tungod usab sa kakulangon sa mga dentista sa nasud, siyam sa 10 ka mga batang Pilipino ang nag-antos sa pagkadunot sa ngipon o adunay mga problema sa ngipon.

Nagpahigayon na sila og mga lakang aron masulbad ang giingung problema sa kakuwang sa mga dentista sa nasud.