Papaspasan ni Department of Secretary Vince Dizon, ang nagpadayon nga proyekto sa Barangay Canto-an, dakbayan sa Naga sa dili pa moabut ang panahon sa ting-uwan.
Kini ang gibutyag ni Dizon, human nga gironda niini ang nagpadayong construction and rehabilitation works sa nahulpa nga bahin sa Metro Cebu Expressway sa Barangay Cantao-an, niadtong adlawng Miyerkules, Enero 28, 2026.
Adunay gitas-on ang Metro Cebu Expressway nga 56.9-kilometros gikan sa dakbayan sa Danao sa amihanag probinsya padulong sa dakbayan sa Naga. Apan sa karon kay milanat pa sa lungsod sa Minglanilla ang gitas-on sa maong proyekto.
Gitrabaho ang maong rehabilitation works sa sa DPWH ug sa kontraktor nga QM Builders alang sa apektadong Segment 3A sa mihulpang bahin niini niadtong pang 2023.
Tumong og tinguha sa pagbisita ni Dizon nga mapadali ang soil stabilization efforts sa mihulpa nga bahin aron masigurong matapos ang maong segment sulod sa unom ka buwan.
Gisugdan ang proyekto niadtong 2018 ubos sa Build Build Build program sa kanhi administrasyon Duterte.
Sa pagkakaron, ang bahin pa sa Segment 3A ang gitrabaho gawas sa upat ka mga segments niini tungod kay nakasinati og pagkalangay ang uban bahin niini.
