LILOAN,CEBU- Patay ang usa ka babaye samtang ang duha niya ka angkas naangol human ang ilang motorsiklo nibangga sa usa ka wingvan sa national road Brgy. Catarman lungsod sa Liloan ganihang kadlawon Pebrero 17, 2025.
Giila ang nakalas nga nagmaniho sa motorsiklo nga si Christine Tindoy, 29-anyos, taga Soong 1, Brgy. Mactan, Lapu-lapu City.
Samtang ang mga naangol nga angkas giilang sila Farah May Bataluna, 29-anyos residente sa Sabang, Danao City Cebu ug Princess Alleria Tan, 10-anyos.
Sa pikas bahin, giila ang driver sa Wing Van Truck nga si Randy Baliquid, 42-anyos taga Tay-ac, Rosario, La Union.
Basi sa pasiunang imbistigasyon sa kapolisan, nasuta nga ang mga biktima padulong sa south nga bahin sa dihang gikasugat nila ang wing van nga paingon sa Norte.
Dugang pa, nga nawad-ag control sa manobela ang biktima nga nagmaniho sa motorsiko, hinungdan nga mibanga sa gikasugat nga wing van.
Tungod sa impact, nalagpot ang drayber sa karsada.
Gihatod dayon siya sa Eversley Child Sanitarium and General Hospital, apan gideklarar kini nga dead on arrival sa attending physician nga si Dr. Christian Lim.
Samtang, ang duha ka mga pasahero sa motor nakaangkon og physical injuries ug anaa karon sa Mendero Medical Hospital alang sa pagpatambal.
