LILOAN,CEBU-Patay ang drayber sa motorsiklo samtang naangol ang pasahero niini human nabangga sa usa ka prime mover truck sa Barangay Poblacion, lungsod sa Liloan kaganihang kadlawon, Biyernes, Mayo 24, 2024.
Giila ang driver sa Suzuki Raider 150 nga si Mikco Intrampas Manjac, 35, residente sa Barangay Opao, Mandaue City.
Patay usab ang iyahang Pasahero, nga giilang si Rapunzel Gadje, 26-anyos, Babaye taga Brgy. Bangkal, Lapu-lapu City.
Samtang, ang driver sa Fuso Prime mover Truck nailhang si Edwin Sioco Francisco, 39, taga Barangay Alang-Alang, Mandaue City.
Gitino ni Police Major Eric Gingoyon,hepe sa Liloan Police Station, nga ang duha ka mga sakyanan nagbiyahe sa atbang nga direksyon, kung diin si Manjac paingon sa norte samtang si Francisco paingon sa south.
Sa pag-abot sa nahisgutang lugar, matod sa drayber sa truck niliko kini ug ni-counter flow sa pikas lane nga niresulta sa pagkabangga sa Motor.
Tungod niini, natumba sa karsada ang sakay sa motor ug nakaangkon og grabeng samad sa lawas.
Gisuwayan pa pagdala sa tambalanan ang drayber apan gideklara na kining dead on arrival.
Sa pagkakaron, si Francisco gi-detain sa Liloan Police Station, samtang nagpaabot nga pasakaan og kasong reckless imprudence resulting in homicide damage to property.
Subay niini, nipahimangnu ang hepe sa katawhan nga moagi sa National Highway sa Liloan nga mag-amping ilabi na nga prone kini sa disgrasya.
