CEBU CITY-Gibungkag ang usa ka Drug Den, ug nasikop ang upat ka drug personalities samtang usa ka menor de edad sa hiniusang operasyon sa PDEA 7 ug Cebu City Police Office Station 10 sa gipahigayon og buy-bust operation sa Sitio Trinidad,Barangay Punta Princesa, Dakbayan sa Sugbo.
Nakaikyas ang subject sa operasyon ug drug pusher nga giilang si Jessie Candillana, alyas Baba, apan nasikop ang iyang kauban ug drug den maintainer nga giilang si Clifford Llaban, 49, walay trabaho.
Nasikop usab sila si John Paul Bacalla, 23, Mark Joseph Llaban, 25, ug Jenny Ruiz, 18, ug usa ka 17-anyos nga lalaki ang na rescue.
Nasakmit atol sa operasyon ang 24 ka pakete sa gituohang shabu nga motimbang og 16 gramos nga gibanabanang mobalor og P108,800, buy-bust money, ug nagkadaiyang drug paraphernalia.
Ang mga drug evidence isumite alang sa chemical analysis./
