CEBU CITY — Gihimug-atan ni Department of Social Welfare and Development (DSWD-7) Asst. Regional Director Shalaine Lucero nga gumikan sa mga kakulian maong nadugay ang releasing sa mga pipila ka mga beneficiaries sa 2nd tranche sa Social Amelioration Program (SAP).
Matud pa ni Lucero nga ilang gitutokan karon ang tanan barangay sa dakbayan sa Sugbo gumikan adunay nga mga beneficiaries ang wala na-releasan sa payout sa SAP.
Tungod kini strikto ang mga Financial Service Provider sama sa Digital Payout sa pagpagawas sa kwarta diin adunay mga beneficiaries nga sayup o kulangan ang ilang pangalan nga na-sumiter sa DSWD ug wala kini nagtukma sa ilang dokumento nga gidala arun sa pagpamatuod sa kini ang beneficiares.
Samtang, adunay wala usab nakadawat og text message nga ilang nang madawat sa mga digital provider ang SAP tungod gi-hulam lang ang selpon, sim, na-PUK, nawala, ug uban pang rason.
Arun nga masolbad ang problema, gipa-refund sa DSWD ang payout funds sa mga Digital Provider pabalik sa ahenysa.
Apan dugay usab nahatag og balik sa mga digital provider ang kwarta sa Central Office sa DSWD.
Human niini, mag-sumiter na usab og lain endorsement ang DSWD Region 7 sa Central Office nga ipang distribute pa ang na-uli nga kwarta.
Human kay ipaagi nalang kini mga special disbursement officers arun nga mahuman ang pagpang-apod apod sa mga SAP funds.
Matud pa ni Lucero nga anaa sa 47,000 ka mga pangalan gikan sa dakbayan sa Sugbo ang ilang gitutukan gumikan sa mga kakulian nga nasinati. /EKP
