Gisubli ni Department of Social Welfare and Development (DSWD) Secretary Rex Gatchalian nga ang ahensya mao ang nag-inusarang tigpatuman sa Ayuda para sa Kapos ang Kita o AKAP Program.
Gihimo kini ni Gatchalian human gibalik sa bicameral conference committee sa Kongreso ang budget nga gigahin alang sa programa.
Diin ang ubang mga kritiko naglambigit sa Tingog party-list sa paggasto sa pondo sa AKAP.
Matud niini nga ang tibuok kantidad nga P26 bilyon, tanan kana ipatuman sa DSWD ug dili ang mga politiko gumikan lakip kana sa pundo nga gitagana sa buhatan sa DSWD.
Dugang pa niini nga ang tanan nga proseso kay ipaagi sa
masusing pagtuon sa matag sentimo.
Ingon man nga ang mga potensyal nga benepisyaryo sa AKAP gi-assess sa tagsa-tagsa ka mga social worker sa DSWD sa dili pa makadawat og bisan unsang cash aid.
