Padayong gimonitor sa Department of Social Welfare and Development (DSWD) Field Office 5 ang mga biktima sa nasunog nga fishing boat sa kadagatan sa dakbayan sa Naga, Cebu.
Matod ni DSWD Assistant Secretary Irene Dumlao, padayon ang ilang pag-monitor sa kahimtang sa mga biktima ug gipasalig ang tabang sa ahensya.
Una niini, ang DSWD Field Office-5 nihatag og inisyal nga hinabang sa cash aid nga nagkantidad og P5,000.
Giproseso usab ang dugang cash assistance gikan sa Assistance to Individuals in Crisis Situation (AICS) program alang sa mga pamilya sa mga biktima.
Samtang, nakig-alayon usab ang DSWD Bicol regional office sa Municipal Social Welfare and Development Offices (MSWDO) sa Balud ug Cawayan, Masbate alang sa stress debriefing sa mga biktima.
Kung kahinumduman nga ang fishing boat naglawig sa kadagatan sa dakbayan sa Naga dihang naguba ang makina niini hinungdan nga nibuto ug nasunog nga niresulta sa kamatayon sa unom sa 12 ka sakay niadtong Hunyo 5.
