Mosagop ang Department of Trade and Industry (DTI) sa internasyonal nga mga sumbanan sa kaluwasan aron makatabang sa pagpugong sa mga insidente nga naglambigit sa mga portable power banks.
Kini nga lakang nahisubay sa direktiba ni Presidente Ferdinand R. Marcos Jr. nga magtukod og “future-ready” nga mga industriya sa Pilipinas.
Ang DTI mipagawas sa maong pamahayag human ang Bureau of Philippine Standards (BPS) nagpahigayon og forum sa pakigtambayayong sa global safety organization nga UL (Underwriter Laboratories) Standards & Engagement kauban ang ubang ahensya sa gobyerno.
Lakip ang Civil Aviation Authority of the Philippines, Bureau of Fire Protection, ug 88 ka stakeholders ug local manufacturers.
Gawas pa niini, gipasiugda usab sa mga eksperto ang panginahanglan sa pagsulay sa power bank aron malikayan ang mga peligro sa sunog ug peligro sa kuryente.
